Ἔργα
Ἀττικῶς φιλοσοφεῖν Χοροί, ὀρχῆστραι, δημιουργικαὶ ὁμάδες
Πρόγραμμα Ἀγῶνες Χειμερινὸν ἔργον Ἐντυπώσεις
↓Νοέμβριος
↓Ὀκτώβριος
↓Αὔγουστος
↓Ἰούνιος
↓Νὺξ λυρικῆς ᾠδῆς καὶ κλασικῆς ἑλληνικῆς φιλολογίας
↓Ἑσπέρα ἀριῶν μετὰ Τάνγκο καὶ Βάλς
↓Μάρτιος
↓Ἐπιστολή τινος μετέχοντος περὶ τοῦ τῆς ἀρχαίας ἑλληνικῆς γλώττης σεμιναρίου τοῦ ἔτους 2007
Ἡ αἰσθητικὴ γοητεία τῶν μουσικῶν καὶ πολιτιστικῶν ἐπιδείξεων ἐν τῷ τῶν Μουσῶν κήπῳ ἐν τῷ Ἑλληνικῷ Εἰδυλλίῳ σπανίως ὑπερβάλλει τὸ μέτρον, ὥστε τινὰ εἰς τὴν τοῦ ὑπὸ τῶν Σειρήνων πολιορκουμένου Ὀδυσσέως κατάστασιν ἐλθεῖν, ὡς ἐν τῇ ἄνω εἰκόνι.
Ὀδυσσεὺς καὶ αἱ Σειρῆνες ὑπὸ H. Dreiper, 1909
Νοέμβριος 2011 - 24. Μαρτίου 2012
Τὸ ἡμέτερον ἰδιαίτερον χειμερινὸν ἔργον:
Ἐν τούτῳ τῷ χρόνῳ τέτταρα γένη ἐλαιῶν, γκρέιπφρουτ, μανδαρίναι, πορτοκάλια, λωτοί, ἔτι δὲ σταφυλαὶ καὶ πολλὰ ἄλλα ἐκ τοῦ ἡμετέρου κήπου δωρεὰν ὑμῖν παρέχεται, πρὸς δὲ τούτοις κοινωνία καὶ δημιουργικὴ συνουσία ἀνθρώπων φιλοκάλων, οἳ παρ' ἡμῖν καὶ ἐν τῇ καλῇ καὶ ἀληθῶς ἑλληνικῇ κώμῃ Σελιανίτικα ἅμα πολιτισμὸν καὶ θερμότητα ζητοῦσι, καὶ πάντα ταῦτα ἐν τιμῇ αὐτοκόστου.
Ὁ συνθέτης Herman Rechberger, ὃς ἐν τῷ χειμῶνι τὴν ἡγεμονίαν ἔχει, μετὰ τῆς γυναικὸς αὑτοῦ ὑμᾶς ἀσπασθήσεται καὶ πάντα παρασκευάσει.
Ἐκ τῆς ἡμετέρας μουσικῆς ἐπιδείξεως μετὰ χοροῦ τῇ 26ῃ Μαρτίου 2011 ἐν Αἰγίῳ
Ἐν τῷ Ἑλληνικῷ Εἰδυλλίῳ ἐν τῷ Clubraum ἐν τοῖς χειμερινοῖς μησίν.
28 Αὐγούστου - 04. Ὀκτωβρίου
Πρόσκλησις εἰς ἐξαιρέτους μουσικὰς ἐμπειρίας
Τὸ ἐξαίρετον ἀρχαῖον θέατρον τῆς Αἰγείρας 30 μόνον χιλιόμετρα ἀπέχον τοῦ Ἑλληνικοῦ Εἰδυλλίου
Χοροῖς καὶ ὀρχήστραις, αἳ μίαν τῶν ἡμετέρων μελοδραμάτων (Opera) τὸ πρῶτον ἐπιδείκνυσιν, 21 ἡμέραι δωρεὰν καταλύσεως μέχρι 75 ἀνθρώπων ἀπὸ τῆς 28ης Αὐγούστου ἕως τῆς 4ης Ὀκτωβρίου 2011 παρ' αὐτῇ τῇ ἀκτῇ τοῦ Ἑλληνικοῦ Εἰδυλλίου παρέχεται, ὅπως καὶ ἔξω τῆς αὑτῶν χώρας μελετᾶν καὶ τὸ μελόδραμα ἐν τοῖς ἀρχαίοις θεάτροις ἐν Ἑλλάδι ἐπιδείκνυσθαι δύνωνται. Ἔξεστι δὲ καὶ τὴν ἰδίαν μουσικὴν μελετᾶν καὶ ἐπιδείκνυσθαι· ἐρωτᾶτε ἡμᾶς.
01. Ἰουλίου - 28. Αὐγούστου
Διδασκαλία ᾠδῆς
Περιέχει δὲ τέτταρας ἑσπέρας ἀριῶν μετὰ μουσικῶν τελείων.
Ἡγεμών: Prof. Jagna Sokorska Kwika, ᾠδή
Tel./Fax +49 (0)2098 38 87
E-Mail Kwika@t-online.de
13.-16. Ἰουνίου
Ἡ τῶν νέων συμφωνικὴ ὀρχήστρα τῆς μουσικῆς σχολῆς Neckarsulm μετὰ 90 ἀνθρώπων τὸ τρίτον παρ' ἡμῖν
Ἡγεμών: Jochen Hennings
JSO Πρόγραμμα 2011
Giuseppe Verdi - Πορεία ἐκ τῆς Aida 26. Μαρτίου ἐν Αἰγίῳ
- Felix Mendelssohn-Bartholdy - Γαμήλιος πορεία ἐκ τοῦ "Ein Sommernachtstraum"
- Jean Sibelius - Finlandia op. 26 Μουσικὸν ποίημα δι' ὀρχήστραν
- Elias Andriopoulos - Ὠδαὶ τοῦ Ἀνδρέου Κάλβου
- Ὦ φιλτάτη πατρίς
- Κι ὅταν τὸ ἑσπέριο ἄστρο
- Aaron Copland - John Henry a Railroad Ballad for orchestra
- Johann Strauß - Leichtes Blut op. 319 Schnellpolka
- Mikis Theodorakis - Zorba The Greek (Arrangement Jérome Naulai)
- Victor Lopez - James Bond Medley
- Klaus Badelt - Pirates Of The Caribbean
- Johann Strauß Radetzky-Marsch
- John Williams Star Wars
19. Αὐγούστου ὥρᾳ 21:00 ἐν τῷ Ἑλληνικῷ Εἰδυλλίῳ, 100μ πρὸς ἑσπέραν τοῦ παραθαλασσίου ξενοδοχείου Kanelli.
Νὺξ λυρικῆς ᾠδῆς καὶ κλασικῆς ἑλληνικῆς φιλολογίας
- Ἄριαι
- Λόγος ἐν τῇ νέᾳ ἑλληνικῇ
- Καὶ θεατρικοὶ διάλογοι ἐν τῇ ἀρχαίᾳ ἑλληνικῇ ὑπὸ μαθητῶν τοῦ Leibniz-Gymnasium Dormagen (Ἡγεμών: Herr Dr. Stefan Gödde)
Ἑσπέρα ἀριῶν μετὰ Τάνγκο καὶ Βάλς
23. Αὐγούστου ὥρᾳ 21:00 ἐν τῷ Ἑλληνικῷ Εἰδυλλίῳ
Ἐπὶ τοῦ κλειδοκυμβάλου: Andreas König
26. Μαρτίου
Ἡ τῶν νέων συμφωνικὴ ὀρχήστρα τῆς μουσικῆς σχολῆς Neckarsulm ἐν τῷ πολιτιστικῷ κέντρῳ ἐν Αἰγίῳ.
Ἐπιστολή τινος μετέχοντος περὶ τοῦ τῆς ἀρχαίας ἑλληνικῆς γλώττης σεμιναρίου τοῦ ἔτους 2007
Ἐν τῇδε τῇ ἐπιστολῇ τις μετέχων τὰς αὑτοῦ ἐντυπώσεις δηλοῖ περὶ τοῦ σεμιναρίου "Ἀττικῶς φθέγγεσθαι καὶ διανοεῖσθαι" ἐν τῷ Ἑλληνικῷ Εἰδυλλίῳ ὑπὸ τῇ ἡγεμονίᾳ Helmut Quack.
Περὶ τῆς ἡδονῆς τοῦ ἀρχαϊστὶ φθέγγεσθαι
Τις ταῦτα ἀναγιγνώσκων ἴσως τὴν κεφαλὴν ἀπιστῶν κινήσει καὶ ἐρωτήσει: „Τί τοῦτο; Οὐδεὶς γὰρ νῦν ἀρχαϊστὶ φθέγγεσθαι δύναται. Νεκρὰ γάρ ἐστιν αὕτη ἡ γλῶττα.“ Ἢ ἴσως ἐρεῖ: „Τί μοι τοῦτο ὠφελεῖ; Παντάπασι γὰρ ἀλυσιτελές ἐστιν.“ Καὶ δὴ κατὰ τὸ φαινόμενον ταῦτα ἀληθῆ εἶναι δόξειεν ἄν· ἡ γὰρ ἀρχαία ἑλληνικὴ γλῶττα ἤδη δύο χιλιάδας ἐτῶν οὐκέτι λαλεῖται. Ἀλλ' οὐχ οὕτως ἔχει· πρῶτον μὲν γὰρ ἡ γλῶττα ἐν τῇ νέᾳ ἑλληνικῇ διαμένει — ὁ γὰρ νῦν Ἕλλην τὰ τῆς κλασικῆς ἐποχῆς κείμενα οὐ ῥᾳδίως μανθάνει, ἀλλ' ὃς τὴν ἀρχαίαν γλῶτταν ἐπίσταται, οὗτος βεβαίαν κρηπῖδα ἔχει καὶ τὴν δημοτικὴν γλῶτταν τάχιστα ἐκμαθήσεται. Δεύτερον δὲ ἡ ἑλληνικὴ γλῶττα — μετὰ τῆς λατινικῆς — πνευματικὴ κρηπίς ἐστι τῆς νῦν Εὐρώπης. Πολλὰ γὰρ ὧν ἡμεῖς νῦν ὡς φανερὰ νομίζομεν, ὑπὸ τῶν Ἑλλήνων πρῶτον ἐνοήθη καὶ ἐρρήθη.
Οὕτως οὖν ἡ περὶ τὴν ἑλληνικὴν γλῶτταν σπουδὴ παρέχει τὴν εὐκαιρίαν εἰς τὰς ῥίζας τοῦ ἡμετέρου εἶναι εἰσδύνειν, ἐκεῖσε ὅπου τὸ καινὸν καὶ θαυμαστὸν τὴν ἀρχὴν ἔλαβεν. Ἐὰν οὖν οὕτω τοῖς Ἕλλησι προσέχωμεν, οὐκέτι περὶ νεκρᾶς γλώττης λέγειν δυνάμεθα. Ὅστις γὰρ ἅπαξ ἐτόλμησε Πλάτωνα ἢ Ὅμηρον ἐν τῷ πρωτοτύπῳ ἀναγιγνώσκειν, οὗτος οἶδεν ὅτι ταῦτα τὰ κείμενα ζώσης λαμπρότητός ἐστιν, οἵαν σπανίως τις ἄλλοθι εὑρίσκει.
Τί οὖν ἐστιν οἰκειότερον ἢ ταύτην τὴν ἑλληνικὴν γλῶτταν πειράζειν, σκοποῦντας εἴ τις αὐτῇ καὶ ἐν τῷ καθημερινῷ βίῳ χρῆσθαι δύναται; Ὅτι δὲ τοῦτο οἷόν τ' ἐστί, τούτῳ τῷ θέρει ἐν τῷ ἐπὶ δύο ἑβδομάδας σεμιναρίῳ „Ἀττικῶς φθέγγεσθαι καὶ διανοεῖσθαι“ ἔμαθον, ὃ ἐν τῷ „Ἑλληνικῷ Εἰδυλλίῳ“ ὑπὸ Helmut Quack ἐγένετο. Ἦμεν δὲ τετταρεσκαίδεκα μετέχοντες εὔθυμοι, οἳ ἐν τῇ βορείᾳ ἀκτῇ τῆς Πελοποννήσου συνήλθομεν. Τὰ δὲ ἔτη ἡμῶν ἦν ἀπὸ 17 μέχρι σχεδὸν 80· παρῆσαν δὲ μαθηταὶ καὶ φοιτηταὶ καὶ διδάσκαλοι καὶ ἄλλοι φιλέλληνες ἐκ παντοίων ἐπιτηδευμάτων. Καὶ ὥσπερ τὰ ἔτη καὶ τὰ ἐπιτηδεύματα διέφερεν, οὕτω καὶ ἡ προτέρα γνῶσις ἀνόμοιος ἦν.
Ἀλλὰ ταῦτα πάντα οὐδὲν ἴσχυεν. Διὰ γὰρ τὴν ἐμπειρίαν καὶ παιδαγωγικὴν δεξιότητα τοῦ Helmut Quack τάχιστα λόγος τις κοινὸς ἐγένετο, ὃς οὐδένα ἀπέκλειεν. Οὐδενὶ γὰρ εὐλαβεῖσθαι ἔδει μή πως καταγέλαστος γένοιτο, εἴ τι ἴδιον ὄνομα ζητοίη ἢ ψευδῆ τινὰ κατάληξιν προφέροι. Τοῦτο δὲ ἐγένετο ὅτι οὐ μόνον θεωρητικῶς ἐσπουδάζομεν, ἀλλὰ μάλιστα τὴν πρᾶξιν ἐζητοῦμεν. Πρὸς δὲ τοῦτο ὁ τοῦ σεμιναρίου τόπος ἀρίστην εὐκαιρίαν παρεῖχεν.
Ἐν γὰρ τῷ ὑπὸ Ἀνδρέου Δρέκη ἱδρυθέντι καὶ μετὰ πολλοῦ ἐνθουσιασμοῦ διοικουμένῳ „Ἑλληνικῷ Εἰδυλλίῳ“ τῷ ὄντι ὑπὸ τοῦ ἑλληνικοῦ πολιτισμοῦ περιεχόμεθα· ὁ γὰρ μέγας κῆπος μετὰ τῶν σταφυλῶν καὶ τῶν ἐλαιῶν τόπος ἐστὶν ἐπιπνοῆς ἄριστος. Ὅταν δέ τις πρὸς τὴν κυανῆν θάλασσαν βλέπων περὶ τῶν Ἑλλήνων λέγῃ, τότε αὐτομάτως ἑλληνική τις ἀτμόσφαιρα γίγνεται, ἥτις τὸν νοῦν πτεροῖ.
Ἐν δὲ τῷ τέλει τούτων τῶν δύο ἑβδομάδων ἐπείσθην ὅτι ἡ ἑλληνικὴ γλῶττα καὶ ἐν τῷ καθ' ἡμέραν βίῳ χρήσιμός ἐστιν. Καὶ δὴ ἀρχὴν μόνον ποιήσασθαι οἷοί τ' ἦμεν. Ἀλλ' ἡ ἐμπειρία ὅτι τις ἑλληνιστὶ καὶ περὶ τῶν φαύλων τοῦ βίου διαλέγεσθαι δύναται, καὶ δὴ καὶ γελᾶν καὶ σκώπτειν, αὕτη ἡ ἐμπειρία μοι πάνυ πολυτελής ἐστιν. Ὅτι δὲ παρὰ ταῦτα καὶ ἡ τῆς φιλολογίας σπουδὴ οὐκ ἠμελήθη, τοῦτο παρὰ Helmut Quack φανερόν ἐστιν. Οὕτως οὖν ἐλπίζω ταῦτα καὶ τῷ ἐπιόντι ἔτει γενήσεσθαι.
Jürgen Paetzke