Χαίρετε
Τὸ νῦν πρόγραμμα 2026 Παραχειμάζειν ἐν τῷ Εἰδυλλίῳ
Τίνες ἐσμέν Ἱστορία Χώρα
Ἰδιῶται καὶ οἰκίαι
Βίντεον περὶ τοῦ Ἑλληνικοῦ Εἰδυλλίου
καὶ δὴ καὶ... βίντεον μετὰ εἰκόνων
Τίνες ἐσμέν
Ἐν τῷ ἡμετέρῳ τῶν Μουσῶν κήπῳ τὰ τῶν παίδων ὄνειρα καὶ αἱ εὐγενεῖς ἐπιθυμίαι τελοῦνται, τοῖς τε οἰκείοις καὶ τοῖς καθ' ἑαυτοὺς ταξιδεύουσι καὶ τοῖς δημιουργικοῖς ὁμίλοις... Εἰ δὲ βούλεσθε, ἔξεστι καὶ μαθήμασι μετέχειν ἢ ἀναπαύεσθαι ἐν μέσῳ ἐμπνεούσης ἀτμοσφαίρας.
Οἰκοῦμεν ἐν τῇ κώμῃ Σελιανίτικα ἐν τῇ βορειοδυτικῇ Πελοποννήσῳ, δύο μόνον ὥρας ἀπέχοντες τῶν πέντε κυριωτάτων ἀρχαιολογικῶν χωρίων: τῆς Ὀλυμπίας, τῶν Δελφῶν, τῆς ἀρχαίας Κορίνθου καὶ Μυκηνῶν καὶ Ἐπιδαύρου, καὶ δὴ καὶ τῆς τῶν Ἀθηνῶν Ἀκροπόλεως. Τὴν Ἀκρόπολιν καὶ τὸ αὐτῆς μουσεῖον δύνασθε ἤδη ἐν τῇ ἀφίξει δι' Ἀθηνῶν θεάσασθαι καὶ ἔπειτα πρὸς ἡμᾶς ἐλθεῖν.
Περὶ τοῦ Ἑλληνικοῦ Εἰδυλλίου
Τί ἐστι τὸ Ἑλληνικὸν Εἰδύλλιον; Πολλαὶ εἰσιν αἱ ἀποκρίσεις.
Χωρίον τι παραθεριστικόν, ξενών τις νεότητος, κέντρον ἀναπαύσεως, πανδοχεῖον, παιδευτήριον, τόπος ἐκθέσεων καὶ δραμάτων καὶ λόγων, ἀσκητήριον, μουσικὴ ἀκαδημία, μικρόν τι πανεπιστήμιον, τόπος οἰκουμενικῆς συνουσίας. Πᾶσα ἀπόκρισις ἀληθής ἐστί πως.
Ἔστι δὴ ἡ τελείωσις τοῦ βίου ὀνείρου τοῦ ἱδρυτοῦ καὶ δεσπότου καὶ ἰθύνοντος νοῦ, Ἀνδρέου Δρέκη. Οὗτος γὰρ ἤδη νέος ὢν ἔγνω ὅτι πάντες ἄνθρωποι τῷ ὄντι τὸν αὐτὸν σκοπὸν ἔχουσιν: βούλονται γὰρ εὐδαίμονες γίγνεσθαι. Ἀλλ' οἱ πλεῖστοι ἁμαρτάνουσι τῶν μέσων πρὸς τοῦτον τὸν σκοπόν. Νομίζουσι γὰρ διὰ πλούτου καὶ δυνάμεως καὶ δόξης εὐδαίμονες γίγνεσθαι δύνασθαι. Οὗτοι δὲ οἱ ὁδοὶ μᾶλλον ἀπάγουσι τοὺς ἀνθρώπους τῆς εὐδαιμονίας. Πολλῷ δὲ κυριώτερόν ἐστι τὸ παιδεύειν τὰ τῆς ψυχῆς καὶ τοῦ νοῦ. Ὅστις γὰρ ἀνοίγνυται πρὸς τὰ κάλλη καὶ τὰς ἁρμονίας τοῦ κόσμου, ὅστις οἷός τέ ἐστι τοῖς τῶν πάλαι σοφῶν καὶ φιλοσόφων διανοήμασι προσέχειν τὸν νοῦν, ᾧ ὁ κόσμος διαφανὴς γίγνεται πρὸς τὸ θεῖον, οὗτος ῥᾷον εὑρίσκει τὰς ἀληθεῖς καὶ ἀενάους πηγὰς τῆς εὐδαιμονίας.
Διὰ τοῦτο Ἀνδρέας Δρέκης καλεῖ εἰς τὸ Ἑλληνικὸν Εἰδύλλιον, ἐν μέσῳ μεγάλου καὶ εἰδυλλίου κήπου παρὰ τὴν θάλατταν, τοὺς ὁμογνώμονας ἀνθρώπους ἐξ ὅλου τοῦ κόσμου – οἰκίας τε καὶ τοὺς καθ' ἑαυτοὺς ταξιδεύοντας καὶ τοὺς δημιουργικοὺς ὁμίλους, οἳ τῶν αὐτῶν ἐφίενται. Τὸ δὲ κεφάλαιον ἐν τῇ μουσικῇ ἐστι καὶ τῇ ἀναμνήσει τῶν τῆς ἀρχαίας Ἑλλάδος θησαυρῶν. Ἐν τῷ Εἰδυλλίῳ εἰσὶν ἐπιτήδειοι τόποι μελέτης τοῖς τε ᾠδοῖς καὶ τοῖς μουσικοῖς παντὸς εἴδους, χοροῖς τε καὶ ὀρχήστραις. Τούτοις δὲ ὁ δεσπότης παρέχει καλὰς ἀφορμὰς ἐν τῷ φανερῷ ἐπιδείκνυσθαι καὶ οὕτως ἄλλοις ἀνθρώποις τὸν τῶν Μουσῶν κόσμον ἀνοίγνυται. Μοναδικόν ἐστιν ἐν ὅλῳ τῷ κόσμῳ τὸ κατ' ἐνιαυτὸν γιγνόμενον μάθημα, ἐν ᾧ νέοι ἄνθρωποι πανταχόθεν τὴν τῶν ἀρχαίων Ἑλλήνων γλῶτταν πάλιν ζῶσαν ποιοῦσι καὶ τὰ ἐκείνων βαθέα διανοήματα πάλιν ἐνθυμοῦνται. Πάντες δὲ οὗτοι οἱ ὅμιλοι καὶ τὰ μαθήματα σπουδάζουσι περὶ τῆς τῶν ἐθνῶν φιλίας καὶ τῆς ἀλλήλων συνέσεως.
Ἆρ' οὐκ εἰσὶ καὶ ἄλλοθι παιδευτήρια τὰ αὐτὰ σπουδάζοντα; Ὅστις ἅπαξ ἐν τῷ Ἑλληνικῷ Εἰδυλλίῳ ἐγένετο, ἐρεῖ: Οὐδαμῶς! Τὸ γὰρ Ἑλληνικὸν Εἰδύλλιον τοιοῦτον ὂν μόνον ἐν Σελιανιτίκοις ἐστίν, μοναδικὸν καὶ κάλλιστον. (Ὑπὸ Ἑλμούτου Κουάκ, τοῦ ἡμετέρου ἀλησμονήτου φιλολόγου ἐκ Χουσούμ, ὃς ἑκκαίδεκα ἔτη μετὰ μεγάλου ἐνθουσιασμοῦ τοῦ ἡμετέρου μοναδικοῦ σεμιναρίου "Ἀττικιστὶ διαλέγεσθαι καὶ φιλοσοφεῖν σήμερον" ἡγεῖτο!)
Ἵνα δὲ ταχέως ἴδητε τὰ ἡμέτερα καταλύματα, βλέπετε ἐν τῷ μέρει Καταλύματα
Δωμάτιόν τι ἐν τῷ Ἑλληνικῷ Εἰδυλλίῳ
Τὸ Ἑλληνικὸν Εἰδύλλιον ἐν μέσῳ ἐστὶ κήπου 4.000 τ.μ., ἐν ᾧ ἀμπέλοις καὶ λαχάνοις καὶ ἄνθεσι βιολογικῶς φυτεύεται. Κεῖται δὲ ἐν τῇ βορειοδυτικῇ ἀκτῇ τῆς Πελοποννήσου ἐν Σελιανιτίκοις, ἑνὶ τῶν καλλίστων τόπων μετὰ ἀληθοῦς ἑλληνικῆς ἀτμοσφαίρας. Ἐν τῷ χωρίῳ εἰσὶν οἰκίσκοι καὶ δωμάτια ἰδίως πεποιημένα, ὑπὸ πορτοκαλεῶν καὶ μανδαρινεῶν καὶ λεμονεῶν καὶ ῥοῶν καὶ ἐλαιῶν περιεχόμενα. Ἡ δὲ ὀσμὴ τοῦ ἰασμίνου καὶ τῶν ῥόδων διήκει μέχρι τῶν μεγάλων ἐξέδρων. Ἡ δὲ κεντρικὴ θέσις τῆς κώμης παρέχει τὴν εὐκολίαν διὰ λεωφορείου καὶ πλοίου καὶ σιδηροδρόμου ταξιδεύειν.
Τὸ Ἑλληνικὸν Εἰδύλλιον δι' ὅλου τοῦ ἐνιαυτοῦ ἀνοικτόν ἐστι καὶ ἐπιτήδειον τοῖς τε οἰκείοις καὶ τοῖς καθ' ἑαυτοὺς ταξιδεύουσι, ἀλλὰ καὶ τοῖς δημιουργικοῖς ὁμίλοις, οἷον χοροῖς, ὀρχήστραις, ὁμίλοις μουσικῆς, ὀρχήσεως, δράματος, σχολείοις φιλομούσοις, ζωγράφοις καὶ τοῖς τῆς φύσεως ἐρασταῖς. Παρέχει δὲ τόπον 70-80 ξένοις. Δι' ὅλου δὲ τοῦ ἔτους οἱ διδάσκαλοι ἐν τῇ μουσικῇ καὶ τῷ πολιτισμῷ δύνανται μαθήματα παρέχειν. Προσέτι δὲ ἔχομεν δωρεὰν ὑπηρεσίαν πᾶσι τοῖς μουσικὰ ἔργα παίζουσιν: εἴπατε ἡμῖν ποῖον ὄργανον παίζετε καὶ πότε δύνασθε ἐλθεῖν, ἵνα ἡμεῖς ταῦτα τοῖς ὁμογνώμοσι δηλώσωμεν, ὥστε κοινὴ μουσικὴ συνουσία γίγνηται.
Πρὸς δὲ τὰς μελέτας καὶ τὰς συναυλίας πάρεισι τόποι μελέτης καὶ δύο ξύλιναι σκηναί. Ἔτι δὲ πολλὰ ὄργανα ἔξεστι χρῆσθαι, οἷον μέγαν συναυλίας πίανον (Schimmel 2,10m), τρία πίανα, τέτταρα ἠλεκτρικὰ πίανα, βιολοντσέλον, βιολίον, κοντραμπάσον, δύο τύμπανα ὀρχήστρας. Ἔστι δὲ καὶ προβολέας βίντεον, βιβλιοθήκη μετὰ μουσικῶν γραφῶν καὶ βιβλίων γερμανιστί, καὶ οἶκός τις μετὰ δύο πιάνων. Ἡδέως δὲ βοηθοῦμεν ὑμῖν ἐν τῇ βουλῇ καὶ τῇ πράξει συναυλίας ἢ δράματος, καὶ ἐν ταῖς εἰς τὰ ἀρχαῖα χωρία ἀποδράσεσιν.
Ἑλμοῦτος Κουάκ, διδάσκαλος τῆς ἀρχαίας ἑλληνικῆς ἐν τῷ τῆς Χουσούμ γυμνασίῳ, παλαιὸς ξένος καὶ ἡγεμὼν μαθημάτων ἐν τῷ Εἰδυλλίῳ. Μεγάλη τις διανοητικὴ προσωπικότης, ἣ ἡμᾶς ἐν τοῖς κοινοῖς 16 ἔτεσι σοφωτέρους ἐποίησεν!
Ἐνταῦθα μετὰ τῶν μαθητῶν αὐτοῦ: "Ἀττικιστὶ διαλέγεσθαι καὶ φιλοσοφεῖν" ἐν τῷ τῶν Μουσῶν καὶ τοῦ Ἐπικούρου κήπῳ.
Ἀνδρέας Δρέκης, ἱδρυτὴς καὶ ἰθύνων νοῦς τοῦ Ἑλληνικοῦ Εἰδυλλίου
Ὁ παρὰ τὸ Ἑλληνικὸν Εἰδύλλιον αἰγιαλός
Ὁ τῶν Σελιανιτίκων αἰγιαλὸς ἐν τοῖς φιλοτιμοτάτοις τῆς χώρας ἐστίν. Ἐνταῦθα οἱ ξένοι καὶ οἱ ἐπιχώριοι τῷ καθαρῷ καὶ κυανῷ ὕδατι ἀπολαύειν δύνανται.
Μετὰ φιλίων ἀσπασμῶν,
Ἀνδρέας Δρέκης
Ἱδρυτὴς καὶ ἰθύνων νοῦς τοῦ
Ἑλληνικοῦ Εἰδυλλίου – Τῶν Μουσῶν κῆπος
Kyanis Aktis 20
GR-25100 Selianitika-Egion
Tel.: 0030 210.3461034
Mobil.: 0030 6972263356
E-Mail: info@idyllion.eu
www.idyllion.eu
Ἅρπα μετὰ κλαρινέτου ἐν τῷ τῶν Μουσῶν κήπῳ... τὸ δὲ παρεῖναι καὶ τοῖς μὴ μουσικοῖς ἐστιν ἐμπνέον τι καὶ τίμιον!
Τὰ μέλλοντα ἔργα καὶ τὰ τῶν συναυλιῶν βίντεον εὑρήσετε ἐν τοῖς κοινωνικοῖς δικτύοις:
Facebook Instagram & Twitter (@hellenikon_idyllion)
Πλείονα δὲ περὶ τῶν ἡμετέρων ἔργων ἴδητε ἐν τοῖς προγράμμασι: 2018 2019
2020 2021 2022
καὶ Παραχειμάζειν καὶ Καταλύματα
Ἐγγράψατε εἰς τὸ ἡμέτερον δελτίον (Newsletter), ἵνα περὶ τῶν μελλόντων ἔργων γιγνώσκητε.
Νέα!! Ἴδητε τὸ ἡμέτερον Παραχειμάζειν
Χειμεριναὶ διακοπαὶ ἢ παραχειμασία μετὰ ὁμογνωμόνων φιλομούσων τε καὶ φιλοφύσων ἐν τῷ τῶν Μουσῶν κήπῳ, παρέχοντες κατάλυμα ἀντὶ μόνον τῆς τῶν κοινῶν ἐξόδων ἀποδόσεως!
Χαίρετε
Τὸ νῦν πρόγραμμα 2026 Παραχειμάζειν ἐν τῷ Εἰδυλλίῳ
Τίνες ἐσμέν Ἱστορία ΧώραἸδιῶται καὶ οἰκίαι
Βίντεον περὶ τοῦ Ἑλληνικοῦ Εἰδυλλίου
καὶ δὴ καὶ... βίντεον μετὰ εἰκόνων
Τίνες ἐσμέν
Ἐν τῷ ἡμετέρῳ τῶν Μουσῶν κήπῳ τὰ τῶν παίδων ὄνειρα καὶ αἱ εὐγενεῖς ἐπιθυμίαι τελοῦνται, τοῖς τε οἰκείοις καὶ τοῖς καθ' ἑαυτοὺς ταξιδεύουσι καὶ τοῖς δημιουργικοῖς ὁμίλοις... Εἰ δὲ βούλεσθε, ἔξεστι καὶ μαθήμασι μετέχειν ἢ ἀναπαύεσθαι ἐν μέσῳ ἐμπνεούσης ἀτμοσφαίρας.
Οἰκοῦμεν ἐν τῇ κώμῃ Σελιανίτικα ἐν τῇ βορειοδυτικῇ Πελοποννήσῳ, δύο μόνον ὥρας ἀπέχοντες τῶν πέντε κυριωτάτων ἀρχαιολογικῶν χωρίων: τῆς Ὀλυμπίας, τῶν Δελφῶν, τῆς ἀρχαίας Κορίνθου καὶ Μυκηνῶν καὶ Ἐπιδαύρου, καὶ δὴ καὶ τῆς τῶν Ἀθηνῶν Ἀκροπόλεως. Τὴν Ἀκρόπολιν καὶ τὸ αὐτῆς μουσεῖον δύνασθε ἤδη ἐν τῇ ἀφίξει δι' Ἀθηνῶν θεάσασθαι καὶ ἔπειτα πρὸς ἡμᾶς ἐλθεῖν.
Περὶ τοῦ Ἑλληνικοῦ Εἰδυλλίου
Τί ἐστι τὸ Ἑλληνικὸν Εἰδύλλιον; Πολλαὶ εἰσιν αἱ ἀποκρίσεις.
Χωρίον τι παραθεριστικόν, ξενών τις νεότητος, κέντρον ἀναπαύσεως, πανδοχεῖον, παιδευτήριον, τόπος ἐκθέσεων καὶ δραμάτων καὶ λόγων, ἀσκητήριον, μουσικὴ ἀκαδημία, μικρόν τι πανεπιστήμιον, τόπος οἰκουμενικῆς συνουσίας. Πᾶσα ἀπόκρισις ἀληθής ἐστί πως.
Ἔστι δὴ ἡ τελείωσις τοῦ βίου ὀνείρου τοῦ ἱδρυτοῦ καὶ δεσπότου καὶ ἰθύνοντος νοῦ, Ἀνδρέου Δρέκη. Οὗτος γὰρ ἤδη νέος ὢν ἔγνω ὅτι πάντες ἄνθρωποι τῷ ὄντι τὸν αὐτὸν σκοπὸν ἔχουσιν: βούλονται γὰρ εὐδαίμονες γίγνεσθαι. Ἀλλ' οἱ πλεῖστοι ἁμαρτάνουσι τῶν μέσων πρὸς τοῦτον τὸν σκοπόν. Νομίζουσι γὰρ διὰ πλούτου καὶ δυνάμεως καὶ δόξης εὐδαίμονες γίγνεσθαι δύνασθαι. Οὗτοι δὲ οἱ ὁδοὶ μᾶλλον ἀπάγουσι τοὺς ἀνθρώπους τῆς εὐδαιμονίας. Πολλῷ δὲ κυριώτερόν ἐστι τὸ παιδεύειν τὰ τῆς ψυχῆς καὶ τοῦ νοῦ. Ὅστις γὰρ ἀνοίγνυται πρὸς τὰ κάλλη καὶ τὰς ἁρμονίας τοῦ κόσμου, ὅστις οἷός τέ ἐστι τοῖς τῶν πάλαι σοφῶν καὶ φιλοσόφων διανοήμασι προσέχειν τὸν νοῦν, ᾧ ὁ κόσμος διαφανὴς γίγνεται πρὸς τὸ θεῖον, οὗτος ῥᾷον εὑρίσκει τὰς ἀληθεῖς καὶ ἀενάους πηγὰς τῆς εὐδαιμονίας.
Διὰ τοῦτο Ἀνδρέας Δρέκης καλεῖ εἰς τὸ Ἑλληνικὸν Εἰδύλλιον, ἐν μέσῳ μεγάλου καὶ εἰδυλλίου κήπου παρὰ τὴν θάλατταν, τοὺς ὁμογνώμονας ἀνθρώπους ἐξ ὅλου τοῦ κόσμου – οἰκίας τε καὶ τοὺς καθ' ἑαυτοὺς ταξιδεύοντας καὶ τοὺς δημιουργικοὺς ὁμίλους, οἳ τῶν αὐτῶν ἐφίενται. Τὸ δὲ κεφάλαιον ἐν τῇ μουσικῇ ἐστι καὶ τῇ ἀναμνήσει τῶν τῆς ἀρχαίας Ἑλλάδος θησαυρῶν. Ἐν τῷ Εἰδυλλίῳ εἰσὶν ἐπιτήδειοι τόποι μελέτης τοῖς τε ᾠδοῖς καὶ τοῖς μουσικοῖς παντὸς εἴδους, χοροῖς τε καὶ ὀρχήστραις. Τούτοις δὲ ὁ δεσπότης παρέχει καλὰς ἀφορμὰς ἐν τῷ φανερῷ ἐπιδείκνυσθαι καὶ οὕτως ἄλλοις ἀνθρώποις τὸν τῶν Μουσῶν κόσμον ἀνοίγνυται. Μοναδικόν ἐστιν ἐν ὅλῳ τῷ κόσμῳ τὸ κατ' ἐνιαυτὸν γιγνόμενον μάθημα, ἐν ᾧ νέοι ἄνθρωποι πανταχόθεν τὴν τῶν ἀρχαίων Ἑλλήνων γλῶτταν πάλιν ζῶσαν ποιοῦσι καὶ τὰ ἐκείνων βαθέα διανοήματα πάλιν ἐνθυμοῦνται. Πάντες δὲ οὗτοι οἱ ὅμιλοι καὶ τὰ μαθήματα σπουδάζουσι περὶ τῆς τῶν ἐθνῶν φιλίας καὶ τῆς ἀλλήλων συνέσεως.
Ἆρ' οὐκ εἰσὶ καὶ ἄλλοθι παιδευτήρια τὰ αὐτὰ σπουδάζοντα; Ὅστις ἅπαξ ἐν τῷ Ἑλληνικῷ Εἰδυλλίῳ ἐγένετο, ἐρεῖ: Οὐδαμῶς! Τὸ γὰρ Ἑλληνικὸν Εἰδύλλιον τοιοῦτον ὂν μόνον ἐν Σελιανιτίκοις ἐστίν, μοναδικὸν καὶ κάλλιστον. (Ὑπὸ Ἑλμούτου Κουάκ, τοῦ ἡμετέρου ἀλησμονήτου φιλολόγου ἐκ Χουσούμ, ὃς ἑκκαίδεκα ἔτη μετὰ μεγάλου ἐνθουσιασμοῦ τοῦ ἡμετέρου μοναδικοῦ σεμιναρίου "Ἀττικιστὶ διαλέγεσθαι καὶ φιλοσοφεῖν σήμερον" ἡγεῖτο!)
Ἵνα δὲ ταχέως ἴδητε τὰ ἡμέτερα καταλύματα, βλέπετε ἐν τῷ μέρει Καταλύματα
Δωμάτιόν τι ἐν τῷ Ἑλληνικῷ Εἰδυλλίῳ
Τὸ Ἑλληνικὸν Εἰδύλλιον ἐν μέσῳ ἐστὶ κήπου 4.000 τ.μ., ἐν ᾧ ἀμπέλοις καὶ λαχάνοις καὶ ἄνθεσι βιολογικῶς φυτεύεται. Κεῖται δὲ ἐν τῇ βορειοδυτικῇ ἀκτῇ τῆς Πελοποννήσου ἐν Σελιανιτίκοις, ἑνὶ τῶν καλλίστων τόπων μετὰ ἀληθοῦς ἑλληνικῆς ἀτμοσφαίρας. Ἐν τῷ χωρίῳ εἰσὶν οἰκίσκοι καὶ δωμάτια ἰδίως πεποιημένα, ὑπὸ πορτοκαλεῶν καὶ μανδαρινεῶν καὶ λεμονεῶν καὶ ῥοῶν καὶ ἐλαιῶν περιεχόμενα. Ἡ δὲ ὀσμὴ τοῦ ἰασμίνου καὶ τῶν ῥόδων διήκει μέχρι τῶν μεγάλων ἐξέδρων. Ἡ δὲ κεντρικὴ θέσις τῆς κώμης παρέχει τὴν εὐκολίαν διὰ λεωφορείου καὶ πλοίου καὶ σιδηροδρόμου ταξιδεύειν.
Τὸ Ἑλληνικὸν Εἰδύλλιον δι' ὅλου τοῦ ἐνιαυτοῦ ἀνοικτόν ἐστι καὶ ἐπιτήδειον τοῖς τε οἰκείοις καὶ τοῖς καθ' ἑαυτοὺς ταξιδεύουσι, ἀλλὰ καὶ τοῖς δημιουργικοῖς ὁμίλοις, οἷον χοροῖς, ὀρχήστραις, ὁμίλοις μουσικῆς, ὀρχήσεως, δράματος, σχολείοις φιλομούσοις, ζωγράφοις καὶ τοῖς τῆς φύσεως ἐρασταῖς. Παρέχει δὲ τόπον 70-80 ξένοις. Δι' ὅλου δὲ τοῦ ἔτους οἱ διδάσκαλοι ἐν τῇ μουσικῇ καὶ τῷ πολιτισμῷ δύνανται μαθήματα παρέχειν. Προσέτι δὲ ἔχομεν δωρεὰν ὑπηρεσίαν πᾶσι τοῖς μουσικὰ ἔργα παίζουσιν: εἴπατε ἡμῖν ποῖον ὄργανον παίζετε καὶ πότε δύνασθε ἐλθεῖν, ἵνα ἡμεῖς ταῦτα τοῖς ὁμογνώμοσι δηλώσωμεν, ὥστε κοινὴ μουσικὴ συνουσία γίγνηται.
Πρὸς δὲ τὰς μελέτας καὶ τὰς συναυλίας πάρεισι τόποι μελέτης καὶ δύο ξύλιναι σκηναί. Ἔτι δὲ πολλὰ ὄργανα ἔξεστι χρῆσθαι, οἷον μέγαν συναυλίας πίανον (Schimmel 2,10m), τρία πίανα, τέτταρα ἠλεκτρικὰ πίανα, βιολοντσέλον, βιολίον, κοντραμπάσον, δύο τύμπανα ὀρχήστρας. Ἔστι δὲ καὶ προβολέας βίντεον, βιβλιοθήκη μετὰ μουσικῶν γραφῶν καὶ βιβλίων γερμανιστί, καὶ οἶκός τις μετὰ δύο πιάνων. Ἡδέως δὲ βοηθοῦμεν ὑμῖν ἐν τῇ βουλῇ καὶ τῇ πράξει συναυλίας ἢ δράματος, καὶ ἐν ταῖς εἰς τὰ ἀρχαῖα χωρία ἀποδράσεσιν.
Ἑλμοῦτος Κουάκ, διδάσκαλος τῆς ἀρχαίας ἑλληνικῆς ἐν τῷ τῆς Χουσούμ γυμνασίῳ, παλαιὸς ξένος καὶ ἡγεμὼν μαθημάτων ἐν τῷ Εἰδυλλίῳ. Μεγάλη τις διανοητικὴ προσωπικότης, ἣ ἡμᾶς ἐν τοῖς κοινοῖς 16 ἔτεσι σοφωτέρους ἐποίησεν!
Ἐνταῦθα μετὰ τῶν μαθητῶν αὐτοῦ: "Ἀττικιστὶ διαλέγεσθαι καὶ φιλοσοφεῖν" ἐν τῷ τῶν Μουσῶν καὶ τοῦ Ἐπικούρου κήπῳ.
Ἀνδρέας Δρέκης, ἱδρυτὴς καὶ ἰθύνων νοῦς τοῦ Ἑλληνικοῦ Εἰδυλλίου
Ὁ παρὰ τὸ Ἑλληνικὸν Εἰδύλλιον αἰγιαλός
Ὁ τῶν Σελιανιτίκων αἰγιαλὸς ἐν τοῖς φιλοτιμοτάτοις τῆς χώρας ἐστίν. Ἐνταῦθα οἱ ξένοι καὶ οἱ ἐπιχώριοι τῷ καθαρῷ καὶ κυανῷ ὕδατι ἀπολαύειν δύνανται.
Μετὰ φιλίων ἀσπασμῶν,
Ἀνδρέας Δρέκης
Ἱδρυτὴς καὶ ἰθύνων νοῦς τοῦ
Ἑλληνικοῦ Εἰδυλλίου – Τῶν Μουσῶν κῆπος
Kyanis Aktis 20
GR-25100 Selianitika-Egion
Tel.: 0030 210.3461034
Mobil.: 0030 6972263356
E-Mail: info@idyllion.eu
www.idyllion.eu
Ἅρπα μετὰ κλαρινέτου ἐν τῷ τῶν Μουσῶν κήπῳ... τὸ δὲ παρεῖναι καὶ τοῖς μὴ μουσικοῖς ἐστιν ἐμπνέον τι καὶ τίμιον!
Τὰ μέλλοντα ἔργα καὶ τὰ τῶν συναυλιῶν βίντεον εὑρήσετε ἐν τοῖς κοινωνικοῖς δικτύοις:
Facebook Instagram & Twitter (@hellenikon_idyllion)
Πλείονα δὲ περὶ τῶν ἡμετέρων ἔργων ἴδητε ἐν τοῖς προγράμμασι: 2018 2019 2020 2021 2022
καὶ Παραχειμάζειν καὶ Καταλύματα
Ἐγγράψατε εἰς τὸ ἡμέτερον δελτίον (Newsletter), ἵνα περὶ τῶν μελλόντων ἔργων γιγνώσκητε.
Νέα!! Ἴδητε τὸ ἡμέτερον Παραχειμάζειν
Χειμεριναὶ διακοπαὶ ἢ παραχειμασία μετὰ ὁμογνωμόνων φιλομούσων τε καὶ φιλοφύσων ἐν τῷ τῶν Μουσῶν κήπῳ, παρέχοντες κατάλυμα ἀντὶ μόνον τῆς τῶν κοινῶν ἐξόδων ἀποδόσεως!