Ἔργα
Ἔργα
↓Τινὲς τῶν ἐφετεινῶν ξένων
↓Ὀκτώβριος
↓Δυνάμεις τῶν ἤχων ἐν τῷ Canto General
↓Μουσικαὶ ἐπιδείξεις τοῦ Canto General
↓Σεπτέμβριος
↓Αὔγουστος
↓Ἰούλιος
Τινὲς τῶν ἐφετεινῶν ξένων
Ἀπὸ τῆς 22ας ἕως τῆς 27ης τοῦ Μαΐου 2010 ἡ ὀρχήστρα τοῦ Gymnasium Carolinum Ansbach καὶ ἡ πνευστὴ ὀρχήστρα τῆς μουσικῆς σχολῆς τῆς πόλεως Ansbach μετὰ 55 ἀνθρώπων παρ' ἡμῖν ἔσονται. Ἐν δὲ τῷ Ἰουνίῳ ἡ ὀρχήστρα τοῦ Friedberggymnasium μετὰ 90 ἀνθρώπων ἀφίξεται.
Ἡ ὀρχήστρα Friedberg
Ἡ μαθητικὴ συμφωνικὴ ὀρχήστρα τῆς Αὐγουστιανῆς σχολῆς (Augustinerschule) ἐν τῇ Friedberg, γερμανικὸν γυμνάσιον, νῦν ἐξ 100 μελῶν σύγκειται. Friedberg κεῖται ὡς 30 χιλιόμετρα βορείως τῆς Φραγκφούρτης παρὰ τὸν Μοῖνον. Ἡ πόλις νῦν ὡς 28.000 οἰκήτορας ἔχει καὶ πρωτεύουσα τῆς περιοχῆς ἐστιν. Ἡ ὀρχήστρα ἤδη 50 ἔτη ὑπάρχει καὶ γέγονεν ἀξιολόγος μουσικὸς καὶ πολιτιστικὸς πρέσβις τῆς πόλεως καὶ πάσης τῆς χώρας. Μετὰ συμμετρίας πνευστῶν καὶ ἐγχόρδων οἱ νέοι μουσικοί (13-20 ἐτῶν) οἷοί τ' εἰσὶ τῷ κοινῷ ἔργα ἀπὸ τῆς Ἀναγεννήσεως μέχρι τῆς συμφωνικῆς μουσικῆς πνευστῶν, καὶ δὴ καὶ τὸν Big-Band ἦχον παρέχειν. Πρὸς δὲ τῇ νῦν εἰς Ἑλλάδα ὁδοιπορίᾳ ἡ ὀρχήστρα ἤδη πολλάκις εἰς τὴν Τσεχίαν ἐπορεύθη.
Ἐν ταύτῃ τῇ ἑβδομάδι οἱ μουσικοὶ ἐν τῷ Ἑλληνικῷ Εἰδυλλίῳ παρ' Ἀνδρέᾳ Δρέκει ξενίζονται. Ἀκούσονται ἔργα τῶν Felix Mendelssohn-Bartholdy, Joseph Haydn, Antonin Dvorak καὶ μίαν ἰδίως πρὸς ταύτην τὴν ὁδοιπορίαν πεποιημένην ὀρχηστρικὴν σύνθεσιν κατὰ τὰ ἑλληνικὰ μέλη τῶν Βασιλείου Τσιτσάνη, Μάνου Λοΐζου καὶ Μίκη Θεοδωράκη. Τὴν ἡγεμονίαν τῆς ὀρχήστρας οἱ Volkhard Stahl καὶ Regina Wojtczak ἔχουσιν.
Ἡ ὀρχήστρα Friedberg παρὰ τῇ θαλάττῃ πρὸ τῆς οἰκίας ἡμῶν
10.-17. Ὀκτωβρίου
Ἐπίδειξις τοῦ Canto General τοῦ Μίκη Θεοδωράκη
Ἡ Singakademie Niedersachsen μετὰ χορωδίας καὶ ὀρχήστρας ἐξ 130 ἀνθρώπων.
Ἡγεμών: Claus Ulrich Heinke
Δυνάμεις τῶν ἤχων ἐν τῷ Canto General
Γερμανικὸς ὅμιλος τιμᾷ τὸν Μίκην Θεοδωράκην ἐν Ἑλλάδι.
Μεγάλη χορωδία μετὰ 110 ᾀδόντων, δύο μονῳδῶν, ἓξ κρουστῶν, δύο κλειδοκυμβάλων καὶ Folk-ὅμιλος. Τὸ "Canto General" διὰ τὸ μέγεθος τῶν ἤχων θαυμάζεται. Τὸ ἔργον τοῦ μεγάλου Ἕλληνος Μίκη Θεοδωράκη ἱερὸν ἐστι πολλοῖς φίλοις. Τὸ κείμενον ὑπὸ τοῦ χιλιανοῦ ποιητοῦ Pablo Neruda πεποίηται καὶ τὴν φύσιν καὶ τὴν εἰρήνην ὑμνεῖ. Τὸ ἔργον διὰ τὸ μέγεθος καὶ τὴν πολυφωνίαν τῷ "Carmina Burana" εἴκασται.
Ἡ SingAkademie Niedersachsen ὑπὸ Claus-Ulrich Heinke ἐν τῇ πατρίδι τοῦ ποιητοῦ τὸ ἔργον ἐπιδείκνυσιν. Ἀπὸ τῆς 10ης ἕως τῆς 17ης Ὀκτωβρίου τὸ ἐν Σελιανιτίκοις ἐν τῷ Ἑλληνικῷ Εἰδυλλίῳ καταλύει. Ἐκεῖθεν τρεῖς ἐπιδείξεις ποιοῦνται:
13. Ὀκτωβρίου ἐν τῷ Συνεδριακῷ Κέντρῳ τοῦ Πανεπιστημίου Πατρῶν.
15. Ὀκτωβρίου ἐν τῷ Γυμναστηρίῳ τῆς Καισαριανῆς ἐν Ἀθήναις.
16. Ὀκτωβρίου ἐν τῇ αἰθούσῃ τοῦ Δερβενίου.
Οἱ χορευταὶ καὶ αἱ χορεύτριαι ἐκ πάσης τῆς Γερμανίας ἀφικνοῦνται, μάλιστα δὲ ἐκ Bremen, Oldenburg, Lüneburg καὶ Hannover. Πρὸ ἐνιαυτοῦ τὸ ἔργον ἐν τῷ τοῦ Βερολίνου "Konzerthaus" ἐπὶ τῇ ἑξηκοστῇ γενεθλίῳ τοῦ DGB ἐπεδείξαντο, παρόντων τοῦ τε Προέδρου καὶ τῆς Καγκελαρίου τῆς Γερμανίας καὶ χιλίων ξένων.
Ὁ ἡγεμὼν Heinke εἶπεν: "Μεγάλη μοι ἐμπειρία ἐστὶ τὸ Canto General τιμῶν τὸν Μίκην Θεοδωράκην ἐπὶ τῇ 85ῃ γενεθλίῳ αὐτοῦ ἐν Ἑλλάδι ἐπιδείξασθαι." Τῷ Μαΐῳ τῷ μουσικῷ Θεοδωράκῃ ἐντυχὼν μεγάλως ἐνεπνεύσθην, ἧς ἐντεύξεως οὐδέποτε ἐπιλήσομαι. Ἡ ὁδοιπορία ὑπὸ τῆς γερμανικῆς κυβερνήσεως διὰ τοῦ Goetheinstitut καὶ τῆς ἐν Ἀθήναις πρεσβείας βοηθεῖται. Ἀνδρέας Δρέκης διὰ τῶν αὑτοῦ συνδέσμων μεγάλως ἐβοήθησεν.
"Ἐν τούτῳ τῷ τῆς κρίσεως καιρῷ τὸ Canto General ἐν Ἑλλάδι ἐπιδείκνυσθαι βουλόμεθα, ὅπως τὴν ἡμετέραν φιλίαν τῷ ἑλληνικῷ λαῷ δηλῶμεν," ἔφη Florian Uthoff, ὁ τοῦ ἔργου ἐπιμελητής.
Πλείω μαθεῖν δύνασθε ἐνταῦθα: www.singakademie-niedersachsen.de.
Μονῳδοί: Heidrun Heinke καὶ José V. López de Vergara
Χορωδία: Big Choir of the Singakademie Niedersachsen (110 singers)
Κρουστά: Ensemble Schlagwerk Total Braunschweig (Mine Feldkamp, Momme Feldkamp, Kai Altendorf, Johannes Oertelt, Bernd Löffler, Ann-Kristin Altendorf)
Folklore-Ensemble: Ensemble Lukomorje, Gelendijk (Russland) μετὰ Olga Famin (φωνὴ καὶ κρουστά), Alexander Famin (Bassbalalaika), Marina Zamula (Dobra), Wladimir Zamula (Cajun Akkordeon)
Κλειδοκύμβαλα: The Abrahamduo Ole & Rainer Abraham
Ἡγεμών: Claus-Ulrich Heinke
Μουσικαὶ ἐπιδείξεις τοῦ Canto General
13. Ὀκτωβρίου 2010 ἐν τῷ Συνεδριακῷ Κέντρῳ τοῦ Πανεπιστημίου Πατρῶν
16. Ὀκτωβρίου 2010 ἐν Δερβενίῳ, Ἀνδρέας Δρέκης ἑρμηνεύει τὸν λόγον τοῦ Μίκη Θεοδωράκη πρὸ τῆς ἐπιδείξεως.
15. Σεπτεμβρίου - 02. Ὀκτωβρίου
Ἐπίδειξις τῆς Ὄπερας "Οἱ τοῦ Φιγάρου γάμοι"
Ὅμιλος 16 ᾀδόντων ἐκ τῶν μουσικῶν πανεπιστημίων τοῦ Βερολίνου καὶ τῆς Λειψίας μετὰ κλειδοκυμβάλου.
"Οἱ τοῦ Φιγάρου γάμοι" ὑπὸ W. A. Mozart πρὸς προπαρασκευὴν τῶν ἐν Γερμανίᾳ ἐπιδείξεων.
Μετέχουσι:
Marcos Darbyshire, ἡγεμὼν θεάτρου, ἐν Κορδούβῃ τῆς Ἀργεντινῆς ἐγεννήθη. Ἔμαθε δὲ κλειδοκύμβαλον ἐν Córdoba Collegium μετὰ Tatiana Shundrovskaya. Ἐν τοῖς ἔτεσιν 2005 καὶ 2006 ἐν ἀγῶσι μουσικῆς δωματίου ἐνίκησεν. "Τὸν μαγικὸν αὐλόν" (Die Zauberflöte) τοῦ W. A. Mozart τῷ 2007 ἐπέδειξεν. Ὕστερον δὲ ἐν τῷ πανεπιστημίῳ μουσικῆς καὶ θεάτρου τῆς Ἁμβούργης ἐπαίδευθη.
Felix Pätzold, πρῶτος ἡγεμών, τῷ 1986 ἐν Rostock ἐγεννήθη. Ἔμαθε δὲ κλειδοκύμβαλον καὶ βιολοντσέλον. Ἀπὸ τοῦ 2006 σύνθεσιν ἐν τῷ πανεπιστημίῳ τῆς Λειψίας μανθάνει. Ἐπιδείκνυται δὲ ὡς πιανίστας, ὀργανίστας καὶ χοροδιδάσκαλος, καὶ δὴ καὶ ὀργανίστας ἐστὶν ἐν τῷ ναῷ τοῦ Ἁγίου Ἰωάννου ἐν Rostock.
Christina Bischoff, Sopran, τῷ 2009 Fiordiligi ἐν "Così fan tutte" ὑπεκρίθη. Ἐν Βερολίνῳ Donna Anna ὑποκριθήσεται. Διδάσκαλος ᾠδῆς ἐστιν ἐν τῷ πανεπιστημίῳ τῶν τεχνῶν (UdK) ἐν Βερολίνῳ καὶ μέλος τῆς ῥαδιοφωνικῆς χορωδίας (Rundfunkchor Berlin).
Astryd Cottet, Mezzosopran, τῷ 1982 ἐν Γαλλίᾳ ἐγεννήθη. Ἦν δὲ ἓξ ἔτη μέλος τῆς παιδικῆς χορωδίας τῆς ἐν Παρισίοις Ὄπερας. Πολλὰς μονῳδίας μετὰ τοῦ Ensemble Vocal d'Ile de France ἐν τοῖς ναοῖς τῶν Παρισίων ᾖσεν. Νῦν δὲ τὴν ᾠδὴν ἐν Λειψίᾳ μανθάνει.
Britta Glaser πολλὰ ἆθλα ὡς αὐλητρὶς καὶ ᾄδουσα ἔλαβε. Τῷ 2004 τὴν ὀρχήστραν τοῦ πανεπιστημίου τῆς Λειψίας ἵδρυσεν. Ἐν τοῖς ἔτεσιν 2009 καὶ 2010 ἐν τῇ Royal Academy of Music ἐν Λονδίνῳ καὶ ἐν τῷ πανεπιστημίῳ μουσικῆς καὶ δράματος ἐν Βιέννῃ ἐπαίδευθη.
Paula Rummel τῷ 1983 ἐν Βερολίνῳ ἐγεννήθη καὶ τὴν ᾠδὴν ἐν τῷ πανεπιστημίῳ τῶν τεχνῶν ἐκεῖ ἐμάνθανεν. Ἀπὸ δὲ τοῦ 2007 τὴν ᾠδὴν ἐν τῷ πανεπιστημίῳ τῆς Λειψίας μανθάνει.
Dominic Große τῷ 1988 ἐν Λειψίᾳ ἐγεννήθη. Ἀπὸ τοῦ 2007 τὴν ᾠδὴν ἐν τῷ πανεπιστημίῳ μουσικῆς καὶ δράματος μανθάνει.
Ezra Jung, Bassbariton, τῷ 1983 ἐν Γερμανίᾳ ἐγεννήθη. Τῷ 2010 τὴν ᾠδὴν ἐν Λειψίᾳ ἐξέμαθεν καὶ ὕστερον ἐν Βερολίνῳ ἐπαίδευθη.
Freya Jung, πιανίστρια, τῷ 1987 ἐγεννήθη. Πολλὰ ἆθλα ἐν ἀγῶσι μουσικῆς ἔλαβε. Ἐν τῷ πανεπιστημίῳ μουσικῆς καὶ τεχνῶν ἐν Mannheim ἐπαίδευθη καὶ ἡγεμών ἐστι τῆς Young Opera Rhein-Main.
Daniel Seiler τῷ 1975 ἐγεννήθη. ᾌδει δὲ ἀπὸ τοῦ 16ου ἔτους. Πρῶτον τὴν ᾠδὴν ἐν τῷ Heinrich-Schütz-Konservatorium ἐν Δρέσδῃ ἐμάνθανεν. Τῷ 1997 ἐν τῷ πανεπιστημίῳ μουσικῆς τῆς Δρέσδης ἐπαίδευθη. Πρὸς δὲ τούτοις τὴν οἰκονομικὴν ἐπιστήμην ἐν Βερολίνῳ καὶ Δρέσδῃ ἐξέμαθεν.
Tom Wenzl, Tenor, τὴν παιδαγωγικὴν καὶ κοινωνιολογίαν ἐν Βερολίνῳ ἐμάνθανε καὶ νῦν ἐν τῷ πανεπιστημίῳ Hannover ἐργάζεται. Τὴν δὲ ᾠδὴν ἰδίᾳ ἐμάνθανε, καὶ δὴ καὶ ἐν τῷ Unisono Kammerchor Berlin μετέσχεν.
Οἱ τοῦ Φιγάρου γάμοι ἐπὶ τῆς νέας σκηνῆς ἡμῶν
01.-15. Σεπτεμβρίου
Σεμινάριον
Ἔργον ἡμέτερον εὐτελοῦς καταλύσεως, ἐν ᾧ ἡ τῆς τοῦ Εὐριπίδου τραγῳδίας "Φιλοκτήτης" ἀνάγνωσις σπουδάζεται, εἶτα δὲ λόγος καὶ διάλεξις μετὰ τοῦ ἡγεμόνος Prof. Dr. Jens Holzhausen ἐκ τοῦ πανεπιστημίου Bamberg.
Οἱ τοῦ σεμιναρίου ἐν τῷ δώματι τοῦ Ἑλληνικοῦ Εἰδυλλίου
Ἐν δὲ τῷ τέλει τοῦ σεμιναρίου τὸ Σιρτάκι μανθάνουσι καὶ μετὰ τοῦ Ἀνδρέου χορεύουσι.
20. Ἰουλίου - 24. Αὐγούστου
Διδασκαλία ᾠδῆς
Περιέχει δὲ τέτταρας ἑσπέρας ἀριῶν μετὰ μουσικῶν τελείων.
Ἡγεμών: Jagna Sokorska Kwika, καθηγήτρια ἐν τῷ πανεπιστημίῳ Essen.
Tel./Fax: +49 (0)2098 38 87
E-Mail: Kwika@t-online.de
07.-21. Αὐγούστου καὶ 08.-22. Αὐγούστου
Ἤδη 18 ἔτη ἐν τῷ Ἑλληνικῷ Εἰδυλλίῳ
Ἀττικῶς φθέγγεσθαι καὶ διανοεῖσθαιἘν Ἑλλάδι ἀναπαύεσθαι καὶ ἅμα τὴν γνῶσιν τῆς ἀρχαίας ἑλληνικῆς γλώττης αὐξάνειν καὶ βαθύνειν - τίς τῶν τῆς Ἑλλάδος φίλων οὐκ ἂν τούτου ἐπιθυμοῖ; Μία γάρ ἐστιν ἐν παντὶ τῷ κόσμῳ αὕτη ἡ εὐκαιρία.
- Ἐν μεγάλῳ καὶ σκιερῷ κήπῳ παρὰ τῇ θαλάττῃ μαθηταί, φοιτηταὶ καὶ ἄλλοι ἐκ πολλῶν χωρῶν συνέρχονται. Θαυμάζοντες δὲ γιγνώσκουσιν ὅτι τῇ ἀρχαίᾳ γλώττῃ ἀλλήλοις διαλέγεσθαι δύνανται. Ἀναγιγνώσκουσι δὲ κείμενα ἀξιόλογα καὶ περὶ αὐτῶν διαλέγονται. Ἐν δὲ τῷ θέρει 2010 ὁ Πλούταρχος μετὰ φιλοσοφικῶν καὶ μουσικῶν κειμένων ἐν μέσῳ ἐστίν.
- Τὸ σεμινάριον ἔργον ἐστὶν εὐεργεσίας τοῦ Ἑλληνικοῦ Εἰδυλλίου, οὗ ὁ ἱδρυτὴς Ἀνδρέας Δρέκης ἤδη 18 ἔτη τοῦτο τὸ σεμινάριον παρέχει. Ἐν δὲ τῷ κήπῳ αὐτοῦ πολλάκις μουσικοὶ καὶ ἄλλοι φιλόκαλοι οἰκοῦσι, ὧν αἱ ἐπιδείξεις τὰς ἑσπέρας κοσμοῦσιν. Ἔξεστι δὲ καὶ ἐκδρομὴν ποιεῖσθαι καὶ ἐπίδειξιν ἐν ἀρχαίῳ θεάτρῳ θεᾶσθαι.
- Τὸ Ἑλληνικόν Εἰδύλλιον κεῖται ἐν τῇ βορείᾳ ἀκτῇ τῆς Πελοποννήσου παρὰ τῷ Αἰγίῳ. Οἱ μετέχοντες ἐν δωματίοις μετὰ τριῶν ἢ τεσσάρων κλινῶν οἰκοῦσιν.
Οἱ φοιτηταί, οἳ μετὰ τὸ σεμινάριον ἔτι περὶ τὴν ἀττικὴν γλῶτταν καὶ φιλολογίαν σπουδάζειν βούλονται, δωρεὰν ἐν τῷ Ἑλληνικῷ Εἰδυλλίῳ μέχρι τέλους Σεπτεμβρίου οἰκεῖν δύνανται.
Ἡ τιμὴ τῆς καταλύσεως ἐπὶ δύο ἑβδομάδας ἐστὶ 200,00 EUR.
Ἡ τιμὴ τῆς διδασκαλίας (4 ὧραι καθ' ἡμέραν) ἐστὶ 50,00 EUR.
Ἡγεμών: Helmut Quack (Eritstr. 23, D-25813 Husum, Tel./Fax: 04841/5429, E-Mail: helquack@freenet.de)
01.-11. Αὐγούστου
Ἤδη 18 ἔτη ἐν τῷ Ἑλληνικῷ Εἰδυλλίῳ
Τὸ PJKO (Puchheimer Jugendkammerorchester) ἓξ ἐπιδείξεις ἐποιήσατο ἐν Πατραῖς, Σελιανιτίκοις, Ἑλίκῃ, Δερβενίῳ, Γαλαξιδίῳ καὶ ἐν τῇ Περιστέρᾳ παρὰ τοῖς τῆς Στυγὸς ὕδασι.
Τὸ PJKO, τῷ 1993 ἔτει ἱδρυθέν, ἐκ 29 ἐγχόρδων μουσικῶν (13 ἕως 19 ἐτῶν) σύγκειται. Οἱ δὲ πλεῖστοι τῶν τῆς ὀρχήστρας μελῶν νικηταὶ ἐν τοῖς μουσικοῖς ἀγῶσι γεγόνασιν.
Ἡγεμών ἐστι Peter Michielsen (ἐκ τῆς των Ὁλλανδῶν χώρας). Ἐπαίδευσε δὲ τὴν βιολινιστικὴν ἐν Amsterdam παρὰ Davina van Wely. Ἦν δὲ πρῶτος βιολινιστὴς ἐν τῇ τῶν Ὁλλανδῶν νέων ὀρχήστρᾳ καὶ ἔκρουσε τῷ βιολίῳ ἐν τῷ Concertgebouworkest, ἐν τῇ Chamber Orchestra Europe καὶ ἐν τοῖς Amsterdamse Bachsolisten. Ὕστερον δὲ τὴν μουσικὴν ἐπιστήμην ἐν Μονάχῳ ἐμάνθανε καὶ ἐν διαφόροις ὀρχήστραις παλαιᾶς μουσικῆς μετέσχε (μάλιστα ἐν τῷ Amsterdam Baroque Orchestra ὑπὸ Ton Koopman). Ἀπὸ δὲ τούτου τὴν διδασκαλίαν ηὔξησεν.
- Mozart, Divertimento in D-Dur, 1. Satz
- Bartok, Divertimento, 1. Satz
- Mendelssohn, 10. Streichersinfonie in h-Mol
Μετὰ τούτων τῶν ἔργων τὸ PJKO ἐν τῷ Ἰουλίῳ 2010 ἐν τῷ ἀγῶνι "summa cum laude" ἐν Βιέννῃ μετέσχε καὶ τὸ πρῶτον ἆθλον ἔλαβε.
Ἡ ὀρχήστρα Puchheim τῇ 9ῃ Αὐγούστου 2010 10μ ἀπὸ τῆς θαλάττης ἐν τῇ νομιζομένῃ ἀρχαίᾳ πόλει Ἑλίκῃ μετὰ τριῶν ᾀδουσῶν, αἳ ἀρχαῖα ἑλληνικὰ μέλη — οἷον Εἰς Μοῦσαν Καλλιόπην, Δελφικὸς Ὕμνος, Σεικίλου μέλος — ᾄδουσι κατὰ τὴν ἐργασίαν Hermann Rechberger
Esther Borghorst Alexandra Wiwala καὶ Justyna Reczeniedi (καὶ δεξιά)
Ἡ ὀρχήστρα Puchheim ἐν Γαλαξιδίῳ λουομένη πρὸ τῆς ἐπιδείξεως
Ἡ ὀρχήστρα Puchheim ἐν τῷ ποταμῷ πρὸ τῆς ἐπιδείξεως ἐν Περιστέρᾳ
11.-18. Ἰούλιος
180 ἄνθρωποι χορωδία καὶ ὀρχήστρα παρ' ἡμῖν
Ἡ ὀρχήστρα νέων καὶ ἡ χορωδία καὶ ἡ ὀρχήστρα τοῦ Eberhard-Ludwigs-Gymnasium, Stuttgart, τὸ τέταρτον παρ' ἡμῖν
180 μουσικοὶ μεγάλα χορωδιακὰ ἔργα καὶ μέλη ᾖσαν καὶ ἔκρουσαν, καὶ δὴ καὶ Theodorakis μέλη. Τῇ 16ῃ Ἰουλίου ἐν τῇ πλατείᾳ τῆς κώμης Σελιανίτικα παρὰ τῇ θαλάττῃ ἐπεδείξαντο καὶ τῇ 17ῃ Ἰουλίου ἐν τῇ μεγάλῃ πλατείᾳ Δερβενίου παρὰ τῇ θαλάττῃ.
Ἡγεμόνες: Andrea Amann, Gereon Müller, Dirk Siegel
Gereon Müller, Andrea Amann, Dirk Siegel ἐν τῇ ἐπιδείξει ἐν Δερβενίῳ